“Гагнуурын өдөрлөг 2016” тун удахгүй

Юнитра компани Панасоник корпорацитай хамтран гагнуурын өдөрлөгийн арга хэмжээг дахин зохион байгуулах гэж байна.

Манай улсын гагнуурын салбарын хувьд социализмийн үеийн технологитой багаж төхөөрөмжүүдийн хэрэглээ одоо ч байсаар байгаа нь гагнуурыг чанаргүй хийх гол үндэслэл болж, улмаар тогтоосон даацны стандартад хүрэхгүй байх, эвдрэл гэмтэл гарах, гагнуурчны эрүүл мэндийг хордуулах зэргээр эд хөрөнгө болоод эрүүл мэндээр хохирсоор байна.

Тиймээс ч гагнуурын салбарын цаашдын чиг хандлага, орчин үеийн гагнуурын аппаратны дэвшилтэт шийдэл, хэрэглээний онцлог, нарийн мэргэшлийн үйлдэл функцийг үзүүлэн танилцуулж, бодитоор кейс сургалтыг хийдэг “Гагнуурын өдөрлөг 2016” ээлжит арга хэмжээ маань тун удахгүй зохион байгуулагдахаар боллоо.

Тус арга хэмжээг гагнуурын үйлдвэрлэл, бүтээгдэхүүн шийдлээрээ дэлхийд тэргүүлэх байр суурьтай японы алдарт Панасоник корпораци болон тус брэндийн Монгол дахь албан ёсны дистрибьютер “ЮНИТРА” ХХК хамтран “Хонда Мега Сторе” төвд зохион байгуулах юм.

Өнгөрсөн жил анх удаагаа зохион байгуулагдаж байсан тус арга хэмжээнд Панасоник гагнуурын үйлдвэрийн Ази номхон далайн бүс нутаг хариуцсан борлуулалтын менежер ноён Озава Хирому болон техникийн холбогдох ажилтнууд хүрэлцэн ирж гагнуурчдад үнэ төлбөргүй сургалт зөвлөгөөг 2 өдрийн турш олгож байсан билээ.  

 “Гагнуурын өдөрлөг 2015” арга хэмжээний зургаас:

Панасоник гагнуурын үйлдвэрийн тухай

Анх 1957 онд байгуулагдсан ба эдүгээ гагнуурын аппаратны  дэлхийн топ 3 үйлдвэрлэгчийн нэг гэж тооцогддог. Одоогоор Ази, Номхон далайн бүс нутагт нийт 5 үйлдвэр ажиллаж байна. Панасоник групп нь 100 гаруй жилийн түүхтэй бөгөөд дэлхий даяар тархсан түүний салбар компани, үйлдвэрүүдэд нийт 290 мянга гаруй хүн ажиллаж байна.

Хэрхэн оролцох вэ?

Эрхэм хэрэглэгч та тус арга хэмжээнд оролцохыг хүсвэл дараах утас, имэйл болон фэйсбүүкээр харилцаж, өөрийн мэдээллээ “Гагнуурын өдөрлөгт оролцох” гэсэн тайлбартайгаар илгээнэ үү.

Утас: 94085561

Имэйл: construction@unitra.mn

Facebook: Panasonic Welding Systems Mongolia 

Нэгж шилжүүлэг