Panasonic корпорацитай хамтарсан гагнуурын өдөрлөг болж байна...

Гагнуурын үйлдвэрлэл, бүтээгдэхүүн шийдлээрээ дэлхийд тэргүүлэх байр суурьтай японы алдарт Panasonic корпораци болон тус брэндийн Монгол дахь албан ёсны дистрибьютер “ЮНИТРА” ХХК хамтран зохион байгуулж буй “Гагнуурын өдөрлөг”-ийн арга хэмжээ “Хонда Мега Сторе” төвд болж байна.

Тус арга хэмжээгээр Panasonic гагнуурын үйлдвэрийн Ази номхон далайн бүс нутаг хариуцсан борлуулалтын менежер ноён Озава Хирому болон техникийн холбогдох ажилтнууд хүрэлцэн ирж гагнуурчдад үнэ төлбөргүй сургалт зөвлөгөөг зохион байгуулж байгаа нь нилээдгүй өргөн хүрээтэй үйл ажиллагаа боллоо.  

Манай улсын гагнуурын салбарын хувьд социализмийн үеийн технологитой багаж төхөөрөмжүүдийн хэрэглээ одоо ч байсаар байгаа нь гагнуурыг чанаргүй хийх гол үндэслэл болж, улмаар тогтоосон даацны стандартад хүрэхгүй байх, эвдрэл гэмтэл гарах, гагнуурчны эрүүл мэндийг хордуулах зэргээр эд хөрөнгө болоод эрүүл мэндээрээ хохирсоор байгаа юм.

Тэгвэл энэхүү өдөрлөгт олон улсын гагнуурын салбарын цаашдын чиг хандлага, орчин үеийн гагнуурын аппаратны дэвшилтэт шийдэл, хэрэглээний онцлог, олон төрлийн үйлдэл функцуудыг үзүүлэн танилцуулахаар бодит кейс сургалтыг хийж байгаа нь  манай улсын гагнуурчдад туршлага судлах болон өөрсдийн ур чадварыг орчин үеийн хэрэглээгээр нэмэгдүүлэн, үр бүтээлээ сайжруулахад чухал ач холбогдолтой байлаа.

Panasonic корпорацитай хамтарсан Гагнуурын өдөрлөгт одоогийн байдлаар Эрдэнэт үйлдвэр, 2,3,4-р дулааны цахилгаан станц, Эрчим хүчний яамны харъяа Эрчим хүчний хөгжлийн төв, УБЦТС, ММСГ нийгэмлэг, Увс аймгаас Увс Хүнс ХХК зэрэг хот хөдөөгийн 100 гаруй томоохон аж ахуй нэгжүүдийн 240 гаруй гагнуурын инженерүүд хамрагдаад байна.

Panasonic гагнуурын үйлдвэрийн тухайд анх 1957 онд байгуулагдсан ба эдүгээ гагнуурын аппаратны  дэлхийн топ 3 үйлдвэрлэгчийн нэг гэж тооцогддог. Одоогоор Ази, Номхон далайн бүс нутагт нийт 5 үйлдвэр ажиллаж байна.

Panasonic групп нь 100 гаруй жилийн түүхтэй бөгөөд дэлхий даяар тархсан түүний салбар компани, үйлдвэрүүдэд нийт 290 мянга гаруй хүн ажиллаж байна.

 

 

 

 

 

Нэгж шилжүүлэг