Макита корпораци 100 жилийн ойгоо тэмдэглэлээ

Цахилгаан, гар багаж үйлдвэрлэлээрээ дэлхийд тэргүүлдэг Япон улсын Макита корпораци нь 1915 онд үүсгэн байгуулагдсанаасаа хойш өдгөө 100 дахь жилдээ хэрэглэгчиддээ өөрийн брэнд бүтээгдэхүүнээ хүргэж байна. Тэгвэл Макита брэндийн монгол дахь цорын ганц албан ёсны дистрибьютер Юнитра компани нь эх орныхоо хэрэглэгчидтэй хамтран Макита брэндийн 100 жилийн ойн өдөрлөгийн арга хэмжээг өөрийн Хонда Мегастор дэлгүүртээ 26,27-ны өдрүүдэд зохион байгууллаа.

 

Тус арга хэмжээнд Макита корпорацийн Гүйцэтгэх захирал ноён Наоки Фүкүй, Гүйцэтгэх захирлын туслах Ноён Үэхара Кэничи болон Ахлах сурган зааварлагч Ноён Юуг Ман, Сурган зааварлагч Ноён Виктор Чан нар хүрэлцэн ирж, өөрийн компанийн 100 жил оршин тогтносон түүх, ололт амжилт болоод технологийн дэвшилтэт багажуудаасаа нээлттэй танилцуулсан байна.

 

 

Барилга байгууламжийг барихаас өгсүүлээд гэрийнхээ хананд элдэв эд зүйлсээ тогтооход хүртэл өрөм, дрилл зэрэг цахилгаан багажууд шаардагдах болсон өнөө үед чанарын баталгаатай, аюулгүй ажиллагааны өндөр систем бүхий багаж хэрэгсэл эр хүн бүрийн гэртээ байлгах зүйлсийн нэг болжээ.

 

Өдөрлөгийн арга хэмжээнд 150 гаруй байгууллагын 300 гаруй хүн оролцсон ба сонирхсон багаж хэрэгслүүдээ мэргэжлийн борлуулагчдаас заавар зөвлөгөө аван, бодитоор туршиж үзээд худалдан авах боломжийг олгожээ. 

 

Түүнчлэн Макита гинжит хөрөөгөөр Dazler арт студийн сийлбэрчин Ц.Мөнх-Эрдэнэ эхний өдөр "Макита" логог, дараагийн өдөр морины болон үлэг гүрвэлийн толгойг тус тус маш богино хугацаанд модон дээр сийлж үзүүлсэн байна. Макита хөрөөг ашигладаг энэ төрлийн олон улсын тэмцээн жил бүр явагддаг ба Dazler арт студийн тамирчид тун амжилттай оролцдог юм байна.

 

Мөн Макита 2015 оны шинэ загварын 20-иод төрлийн багажуудаас нэг нэг ширхэгийг 50% офф үнээр худалдан авах боломжийг олгож,оролцогчдын дундаас сугалаа явуулан азтай 6 хэрэглэгчийг Макита иж бүрэн багажаар шагнасан гээд өдөрлөгт хүрэлцэн ирсэн зочид сэтгэл ханамж 100% буцлаа.

Ийнхүү жил бүр уламжлал болгон зохион байгуулагддаг Макита брэндийн энэ жилийн арга хэмжээ олон сонирхолтой үйл ажиллагаа, сюрпризүүдээр дүүрэн болж, тун амжилттай зохион байгуулагдаж өндөрлөлөө.

Нэгж шилжүүлэг