МАКИТАГААР СИЙЛЭГДСЭН МӨСӨН СИЙЛБЭРҮҮД “ХӨХ СУВД”-ЫГ ГОЁЛОО...

2016 оны 03-р сарын 05. Монгол орны хамгийн гүн, цэнгэг Хөвсгөл нуурын хөвөөнд жил бүр зохион байгуулагддаг “ХӨХ СУВД 2016” олон улсын мөсний баяр 7 дахь жилдээ амжилттай зохион байгуулагдаж өндөрлөлөө.

Энэ жилийн мөсний баярт МУ-ын ерөнхийлөгч Ц.Элбэгдорж оролцсон бөгөөд наадмыг Хөвсгөл аймгийн Засаг дарга А.Эрдэнэбаатар нээж, ХДТ-ын уран бүтээлчид зургаан ястаны өлгий аймгийнхаа онцлогийг харуулсан дуу хуур, бүжиг наадмаар түрлэг өргөлөө.

Жил бүр олон мянган жуулчдын хөлөнд дарагдаж, Хөвсгөл нутгийг зорих өвлийн маршрутыг эхлүүлдэг тус баярт урчуудын гараар сүндэрлэгдсэн МӨСӨН СИЙЛБЭРҮҮД яахын аргагүй гол багана нь байдаг гэхэд хэлсдэхгүй бизээ. Энэ жилийн мөсөн сийлбэрийн тэмцээнийг Японы алдарт Макита брэнд ивээн тэтгэсэн бөгөөд дотоодын болоод гадны нийт 15 багийн 30 гаруй тамирчид оролцож, илэрхийлэмж, өвөрмөц хийц шийдлээрээ ялгарсан 2х2 метрийн хэмжээ бүхий мөсөн сийлбэрийн бүтээлүүдээрээ өрсөлдлөө.

 

 

 

 


Мөсөн сийлбэрийн тэмцээнд тэргүүлсэн баг тамирчид:
“Хөх сувд 2016” мөсөн сийлбэрийн тэмцээний тэргүүн байр: Ч.Батболд, Д.Цэрэнбат нарын “ЗАГАСЧИН” нэрт бүтээл

Сийлбэрчин Ч.Батболд: "Дүрсэлх урлаг”-ийн дээд сургуулийг 2001 онд төгссөн цагаас эхлэн өдгөө 15 жил сийлбэрийн урлагтай амьдралаа холбожээ. Ихэвчлэн дотооддоо сийлбэрүүдийг хийж байсан бол энэ жил анх удаа олон улсын мөсөн сийлбэрийн тэмцээнд орж үзлээ. Манай багийн бүтээлийн хувьд байгаль, ан амьтан, хүйн холбоог харуулахыг зорьж загас барьж буй цахлайг дүрслэн харуулсан бөгөөд бүтээл маань тэргүүн байр эзэлсэнд маш их баярлаж байна.."

Сийлбэрчний багаж: "Миний хувьд хамгийн удаан ашиглагдаж буй багаж гэвэл Японы Макита брэндийн уран хөрөө байдаг юм. Одоо тасралтгүй 13 жил ашиглаж байна. Ганц ч эвдээгүй гэхээр маш сайн чанартай болох нь тодорхой байх.  Тиймээс энэ брэндээр л гинжит хөрөө, точиль гээд бусад сийлбэрт шаардагдах багажуудаа бүрдүүлж, сийлсэн сийлбэр бүртээ ураа шингээхийг зорьж байна даа.."

“Хөх сувд 2016” мөсөн сийлбэрийн тэмцээний хоёрдугаар байр: С.Цэнд-Очир, Я.Гансүх “Жигүүр Ажнай” нэрт бүтээл

Сийлбэрчин С.Цэнд-Очир:  "2010 онд сургуулиа төгсөөд л, модоор сийлбэр хийж эхэлсэн дээ. Энэ жилийн хувьд саяхан Харбин хотод болсон мөсөн сийлбэрийн тэмцээнд багаараа 2-р байрт орж анх удаа мөсөн сийлбэрээр тэмцээнд оролцож үзсэн байгаа. Энэ бол хоёрдахь удаагаа оролцож байгаа мөсөн сийлбэрийн олон услын тэмцээн юм. Монгол хүн болохоор хурдан морийг жигүүртэнтэйгээ хослуулан “Жигүүр Ажнай” гэсэн бүтээлээ хийсэн."

Сийлбэрчний багаж: Миний мэдэх бүхий л сийлбэрчид Макита брэндийн багажийг хэрэглэдэг.. Хэдийгээр миний хувьд өнгөрсөн жилээс Макита цахилгаан хөрөөг хэрэглэж эхэлсэн боловч одоо бол хаа ч явсан байнга л авч явдаг гол зэвсэг минь болоод байна..

 

“Хөх сувд 2016” мөсөн сийлбэрийн тэмцээний гутгаар байр: Д.Цэрэнбат, Х.Солонго нарын “Кадр” нэрт бүтээл

Сийлбэрчин Д.Цэрэнбат: "Миний хувьд сийлбэрчин болоод арав гаруй жил болжээ. Сийлбэрийн төрөлд нилээдгүй тэмцээн уралдаанд оролцож байна. Хамгийн сүүлд гаргасан амжилтын хувьд энэ жилийн Харбин улсын мөсөн сийлбэрийн тэмцээнд түрүүлж Алтан медаль, ОХУ-ын Ангарск хотод болсон модон сийлбэрийн тэмцээнээс 2-р байр мөнгөн медаль тус тус авсан байгаа. “Хөх сувд 2016”-ийн хувьд өөрийн сийлбэрийг араас нь зорж хийснээрээ өмнө хийж байсан бүтээлүүдээс минь онцлогтой болсон гэж бодож байна. Өөрөөр хэлбэл мэлхий ус руу үсрэн орохтой зэрэгцэн үүсч буй усны цацралт гээд тухайн нэг агшныг кадрт буулгасан мэтээр, ерөнхийдөө 3D хэлбэртэйгээр харуулахыг зорьсон гэж хэлж болно."

Сийлбэрчний багаж: Сийлбэрчин хүнд сайн багаж гэдэг шилдэг зэвсэг л гэсэн үг. Анх 2009 онд Макита цахилгаан гинжин хөрөөг ашиглаж эхэлсэн юм байна. Өдгөө 7 жил ашиглаж байгаа гэхэд одоо хэрнэ хүчин чадал, эдэлгээний хувьд хэрэгцээг маань бүрэн хангадаг шүү..

 

 

 

 

 

 

 

Ийнхүү амжилттай оролцсон бүх сийлбэрчиддээ цаашдын уран бүтээлд нь өндөр амжилт хүсьеэ. Уншигч та бүхэн Макита багажийг худалдан авахаар сонирхож буй бол 95095561 утсаар хандах болон  facebook.com/Makita-Mongolia пэйж хуудсанд нэгдээрэй.

Нэгж шилжүүлэг