Гагнуурын үйлдвэрлэл, технологийн шийдэл, бүтээгдэхүүнээрээ дэлхийд тэргүүлэх байр суурьтай японы алдарт Панасоник корпорацийн болон тэдний Монгол дахь албан ёсны дистрибьютр “ЮНИТРА” ХХК хамтран зохион байгуулж буй “Гагнуурын дэвшилтэт техник, технологи” нэртэй өдөрлөгийн арга хэмжээ тус компанийн “Техникийн Их Дэлгүүр” дээр 2018 оны 9-р сарын 13-14 өдрүүдэд амжилттай болж өнгөрлөө. Уг арга хэмжээнд Монголын талаас Сумогийн 68 дахь аварга Асашёрюү Д. Дагвадарж урилгаар хүрэлцэн ирсэн бол Panasonic корпорацийг төлөөлж ерөнхий менежер ноён Хидеаки Абе, худалдааны ажилтан ноён Хирому Озава, гагнуурын гагнуурын техникч ноён Томоки Цужибаяаши нар уригдан ирж оролцлоо. Өдөрлөгийн үеэр Японы мэргэжилтнүүд Монголын хэрэглэгчдэд гагнуурын техник, технологийн дэвшилтэт шийдэл, хэрэглээний онцлог, сүүлийн үеийн аппаратуудын үйлдэл функцийн талаар танилцуулж бодит үзүүлбэрээр демонстраци хийж үзүүлэн гагнуурын технологийн цаашдын чиг хандлагын талаар танилцуулга хийлээ. Өдөрлөгт нийт 100 гаруй компанийн 240 гаруй хэрэглэгч ирж оролцон гагнуурын аппаратуудыг өөрийн биеэр туршин ажиллуулж бүтээгдэхүүний ашиглалтын талаар Юнитра компанийн инженер техникийн ажилтнуудаас заавар зөвлөгөө авч Японы мэргэжилтнүүдтэй ажлын туршлагаа солилцлоо. Панасоник корпорацийн тухай Энэ онд Панасоник корпорацийн 100 жилийн ой тохиож байгаа бөгөөд дэлхий даяар тархсан салбар компани, үйлдвэрүүдэд 270 мянга гаруй хүн ажилладаг. Гагнуурын үйлдвэрлэлийн салбар нь анх 1957 онд байгуулагдсан ба эдүгээ гагнуурын аппаратны дэлхийн топ 3 үйлдвэрлэгчийн нэг гэж тооцогддог. Одоогоор Ази, Номхон далайн бүс нутагт нийт 5 үйлдвэр ажиллаж байна. 150 гаруй бүлгийн бүтээгдэхүүн үйлдвэрлэж дэлхийн 200 гаруй оронд экспортортод гаргадаг. Зарим нэр төрлөөс дурьдвал:
Тогтмол гүйдлийн гагнуурын аппарат
Хагас автомат гагнуур
Аргон гагнуурын аппарат
Плазм зүсэгч
Гагнуурын робот
