ТӨГС ШИЙДЛИЙГ САНАЛ БОЛГОЖ БАЙНА Бид дэлхийн өнцөг булан бүрт цэвэр, аюулгүй, өндөр чанартай бүтээгдэхүүн, үйлчилгээг 60 гаруй жил амжилттай хүргэж ажилласан түүхтэй. Тоёота Групп нь агуулахын зохион байгуулалт, үр ашгийг өндөр байлгах ач холбогдол бүхий тээвэрлэх, зөөвөрлөх төгс шийдлийг санал болгож байна.
ТЕХНОЛОГИ Тоёотагийн гол давуу тал бол техникийн туршлага юм. Бид технологийн мэргэжлийн өндөр чанарыг эрэлхийлж ажилладаг учраас үйлчлүүлэгчдийнхээ сэтгэлд нийцэж, үр бүтээмжтэй ажиллаж чаддаг. Тоёотагийн сэрээт ачигч машин нь Идэвхтэй тогтворжуулагч систем (SAS), Тоормосны хяналтын систем (TBC) болон Хувьсах гүйдлийн цахилгаан жолоодлогын систем (AC drive system) зэрэг дэвшилтэт технологиудыг нэвтрүүлэн ашиглаж, салбартаа тэргүүлж байна.
ЧАНАР Бидний чанарыг илүү өндөр түвшинд байлгах тасралтгүй оролдлого нь өнгөрсөн хийгээд өнөөгийн гол давуу тал болохын зэрэгцээ ирээдүйн амжилтын маань баталгаа болдог. Бид зураг төсөл гаргахаас эхлээд үйлдвэрлэх хүртэл бүх үе шатанд чанарыг илүү сайжруулахыг эрмэлздэг. Өдгөө дэлхийн хэмжээнд стандарт гэж хүлээн зөвшөөрөгдөөд буй Тоёота Үйлдвэрлэлийн Систем (TPS) болон "Кайзэн" (тасралтгүй сайжруулалт) зарчим нь бидний бүх үйл ажиллагааны гол цөм болдог.
БАЙГАЛЬ ОРЧИН Тоёота Групп нь нийгмийн тогтвортой хөгжилд хувь нэмэр оруулахын тулд бүтээгдэхүүний эдэлгээний мөчлөгийг ашиглан байгаль орчинд үзүүлэх сөрөг нөлөөллийг бууруулах санаачлагуудыг хэрэгжүүлдэг. Байгаль орчинд ээлтэй бүтээгдэхүүнийг хөгжүүлэхийн зэрэгцээ үйлдвэрлэж буй бүтээгдэхүүнийхээ байгаль орчинд үзүүлэх сөрөг нөлөөг бууруулах нь бидний эрхэм зорилго юм. Тоёота Групп нь технологийн цогц шийдэл бүхий хайбрид болон батарейт сэрээт ачигч хөгжүүлэн үйлдвэрлэж байна.
