Уул уурхайн салбарын ханган нийлүүлэгчдийн бүтээгдэхүүн, үйлчилгээгээ танилцуулах, маркетинг, худалдааны таатай орчныг бүрдүүлдэг "#Mонголиа_Майнинг" олон улсын уул уурхайн үзэсгэлэн арав дахь жилдээ "Буянт-Ухаа" спорт цогцолборт амжилттай зохион байгуулагдлаа.
Үзэсгэлэн есдүгээр сарын 22-24-ний өдрүүдэд үргэлжилж, уул уурхайн салбарын дэлхийд тэргүүлэх технологийг дэлгэн танилцуулсан 130 орчим аж ахуй нэгжүүдийг багтаасан үйл ажиллагаа болсон юм.
Уул уурхайн салбар бол төсвийн орлогын 40 орчим хувийг бүрдүүлдэг тэргүүлэгч салбаруудын нэг юм. Иймд Монгол улсын Засгийн газраас стратегийн чухал ач холбогдолтой төсөл, хөтөлбөрүүдийг идэвхжүүлэхээр ажиллаж байгааг албаны хүмүүс мэдээлэлж байлаа.
#Юнитра ХХК нь үүсгэн байгуулагдсан цагаасаа 20 дахь жилдээ тасралтгүй үйл ажиллагаагаа хүргэж ирсэн бөгөөд уул уурхай, барилга, бүтээн байгуулалт дэд бүтцийн салбаруудад зориулагдсан дэлхийн шилдэг дэвшилтэт технологийн багаж, тоног төхөөрөмжүүдийн дээжийг уг үзэсгэлэнгээр дамжуулан уул уурхайн салбарын харилцагч байгууллагууд, хэрэглэгч нартаа танилцууллаа.
Манай компанийн зүгээс уг арга хэмжээнд өндөр ач холбогдол өгч оролцдог бөгөөд үйл ажиллагааны үеэр 100 орчим байгууллага, салбарын мэргэжилтнүүдтэй уулзаж бүтээгдэхүүн, үйлчилгээгээ танилцуулан, асааж, шалгаж, туршиж үзүүлсэн маань харилцагч байгууллага, хэрэглэгч нарт бодит түвшинд мэдэрч, хамтран ажиллах боломжуудын тухай хэлэлцсэн үр дүн өндөр ЭКСПО боллоо гэж дүгнэж байна.
Техникийн дэвшлийг Монголд уриатай #Юнитра ХХК нь дэлхийн 20 улсын 60 гаруй шилдэг брэндүүдийн 2100 орчим багаж хэрэгслийг Монголынхоо хэрэглэгчдэд хүргэж байна. Цаашдаа ч эрхэм зорилгынхоо дагуу хэрэглэгч нарынхаа шаардлагад нийцсэн, ажлын бүтээмжийг дээшлүүлсэн, аюулгүй байдлыг бүрэн хангасан дэвшилтэт технологийн шийдлүүдийг хүргэсээр байх болно.
#UnitraLLC #ЮнитраХХК #Mongolia_mining_2021 #Монголиа_Майнинг Mongolia Mining
