https://unitra.mn/post/121989“BETTER ENVIRONMENT, BETTER TOMORROW”
Юнитра ХХК “Манай хороо- Миний гудамж 2022” аяны хүрээнд Шилдэг аж ахуйн нэгжээр шалгарлаа.
2022 оны 8 дугаар сард Юнитра ХХК нь нийслэл хотын өнгө үзэмжийг сайжруулах, иргэдийн ажиллах, амьдрах, амрах таатай орчин нөхцөлийг бүрдүүлэх зорилгоор Хан-Уул дүүргийн 20 дугаар хорооны нутаг дэвсгэр буюу Лавай төвийн зүүн тал, Юнитра компани, орон сууцны 86 болон 89 дүгээр байрнуудын дунд байрлах 1000м2 талбайг өөрийн хөрөнгөөр тохижуулсан.
Тус тохижилтын ажлын хүрээнд нийтийн эзэмшлийн зам талбайн гэрэлтүүлэг, авто зам болон явган зам, ландшафтын цэцэрлэгжүүлэлт, үйлчлүүлэгч болон иргэдэд зориулсан амрах талбай, сүүдрэвч, ландшафтын цогц шийдэл бүхий “Юнитра Парк”-ын бүтээн байгуулалтыг хийж гүйцэтгэлээ.
МАНАЙ ХОРОО – МИНИЙ ГУДАМЖ 2022 аяны хүрээнд ШИЛДЭГ АЖ АХУЙН НЭГЖ, БАЙГУУЛЛАГА шалгаруулалтанд НЭГДҮГЭЭР БАЙР эзэлж ӨРГӨМЖЛӨЛ, мөнгөн шагналаар шагнууллаа. Манай байгууллага нийгмийн хариуцлагын хүрээнд Улаанбаатар хотын тохижилт бүтээн байгуулалт, нийгмийн хөгжил дэвшилд өөрийн хувь нэмэрээ оруулан ажиллах болно.
