Япон улсын Макита корпораци нь 1915 онд үүсгэн байгуулагдсанаасаа хойш өдгөө 102 дахь жилдээ хэрэглэгчиддээ өөрийн брэнд бүтээгдэхүүнээ хүргэж байна. Тэгвэл Макита брэндийн монгол дахь цорын ганц албан ёсны дистрибьютер Юнитра компани японы Макита корпорацитай хамтран “Макита Монголд 8 жил” “Батарейт багажны эрин...” өдөрлөг арга хэмжээг өөрийн Хонда Мегастор дэлгүүртээ 2017 оны 06 сарын 30, 07 сарын 01-ний өдрүүдэд зохион байгуулагдаж байна. Цахилгаан, гар багаж үйлдвэрлэлээрээ дэлхийд тэргүүлдэг Макита корпораци нь мэргэжилийн цахилгаан багажны дэлхийн топ 3 үйлдвэрлэгчийн нэг гэж тооцогддог. Нийт 2000 гаруй нэр төрлийн бүтээгдэхүүн үйлдвэрлэж, 100 гаруй оронд экспортолдог.
Жил бүр уламжлал болон зохион байгуулагдах болсон энэхүү өдөрлөгийн үеэр сүүлийн үед дэлхий нийтээр түгээмэл хэрэглээ болж байгаа ”Утасгүй технологи” буюу “Батарейт багаж”ны хэрэглээ, сонголт, онцлог, тэдгээрийн ажиллагааг дэлгэрэнгүй үзүүлж, танилцуулах юм.
Тус арга хэмжээнд японы Макита корпорацийн ази, номхон далайн бүс нутаг хариуцсан Макита корпорацийн ерөнхий захирал ноён Kazuya SUZUKI, ерөнхий захирлын туслах Kenichi UEHARA болон ахлах сурган зааварлагч Kwun Wa CHEUNG нар хүрэлцэн ирж, Макита брэндийн үнэнч хэрэглэгч нартаа 360 гаруй багажны танилцуулга, бодит кейс, батарейт багажны давуу талыг тайлбарлаж өглөө. Барилга байгууламжийг барихаас өгсүүлээд гэрийнхээ хананд элдэв эд зүйлсээ тогтооход хүртэл өрөм, дрилл зэрэг цахилгаан багажууд шаардагдах болсон өнөө үед чанарын баталгаатай, аюулгүй ажиллагааны өндөр систем бүхий багаж хэрэгсэл хэрэглэх, гэртээ байлгах зүйлсийн нэг болжээ.
Өдөрлөгийн арга хэмжээнд 170 гаруй байгууллагын 300 гаруй хүн оролцсон ба сонирхсон багаж хэрэгслүүдээ мэргэжлийн борлуулагчдаас заавар зөвлөгөө аван, бодитоор туршиж үзээд 15-25% ХЯМДРАЛТАЙ+БЭЛЭГТЭЙ худалдан авах боломжийг Макита брэндийн үнэнч хэрэглэгч нартаа олгож байна. Түүнчлэн тус 2 өдөрийн арга хэмжээгээр оролцогчдийн дундаас нийт 6 азтан шалгаруулж Макита брэндийн багажаар шагнасан гээд өдөрлөгт хүрэлцэн ирсэн зочид сэтгэл ханамж 100% буцлаа. Ийнхүү жил бүр уламжлал болгон зохион байгуулагддаг Макита брэндийн энэ жилийн арга хэмжээ олон сонирхолтой үйл ажиллагаа, сюрпризүүдээр дүүрэн болж, тун амжилттай зохион байгуулагдаж өндөрлөлөө.
