Японы Toyota Industries корпораци ба Монгол дахь албан ёсны дистрибьютр “ЮНИТРА” ХХК хамтран “Toyota фирмийн агуулах, тээврийн тоног төхөөрөмж, сэрээт ачигчийн ажиллагааг танилцуулах техникийн семинарийг “Юнитра” ХХК-ийн төв дэлгүүр дээр 2018 оны 12-р сарын 6-7-ны өдрүүдэд зохион байгууллаа.
Уг арга хэмжээнд Toyota Industries корпорацийг төлөөлж худалдааны зөвлөх ноён Сансаки Хори сан хүрэлцэн ирсэн бөгөөд өөрийн компанийн түүх, бүтээгдэхүүн үйлдвэрлэл болон агуулах, тээврийн тоног төхөөрөмжүүдийн талаар дэлгэрэнгүй танилцууллаа.
Уулзалтад нийт 100 гаруй компанийн 150 гаруй хэрэглэгч ирж оролцохоо мэдэгдээд байгаа бөгөөд энэхүү арга хэмжээнд оролцсоноор Toyota фирмийн сэрээт ачигчийн давуу тал, нэмэлт тоноглолын талаар мэдээлэл авч түүний ажиллагаатай бодит байдал дээр танилцаж, Японы мэргэжилтэн болон ”Юнитра” ХХК-н инженер техникийн ажилтнуудаас заавар зөвлөгөө авах, ажлын туршлагаа солилцох зэрэг боломжууд бүрдсэн юм.
Toyota Industries корпорацийн талаар
Toyota Industries корпораци анх 1926 онд байгуулагдаж нэхмэлийн машин, автомашины хөдөлгүүр, агааржуулалтын компрессор, агуулахын тоног төхөөрөмж болон электрон хэрэгслэлийн үйлдвэрлэлийн чиглэлээр үйл ажиллагаагаа явуулж байна.
2013 оноос өөрийн албан ёсны дистрибьютр “Юнитра” ХХК-аар дамжуулан Монголын зах зээлд бараа, бүтээгдхүүнээ нийлүүлж байна.
